Bei unsre diesjähriche Herbschtwannerung hot sich am Sundach gezeicht, dass mer nit nur „indoor-Schbortler“ sin – nä, mer kin uns ach bei a bissl schlächdere Wädderbedingunge drausse beweche, ach wann debei die Hoor a bissel nass worre sin. Uffs Turnier hedde mer denoch nimmi gehe kinne.
So simmer mit 34 Midglieder losmaschierd un hänn die herbschdlich Palz genosse. Zuerschd berchuff fer die Kondizion und dann am Schmunzelwäch was fer die Bauchmuschkle, fers hirn un die gut schdimmung gemacht. Alle zamme hän tapfer durchghalde und sin dann im Johannishof noch a bissel – nadierlich uf Abschdand - zammegsesse un hän die agebodene keschtlichkeide genosse. All wan sich änich, dass mer des viel efters mach kint. S’wa an richdich schäner Dach.